嘉欣爆老公有女埋身放電
女星李嘉欣（Michele）與夫婿許晉亨結婚快將七年，她笑言不怕七年之癢，更大爆老公常有「飛來蜢」，不過有「大美人」之稱的嘉欣，就自信心十足，謂另一半有吸引力是其光榮，絕對不介意。又爆快三歲半的囝囝愛攝影，為滿足囝囝要求，不惜充當模特兒舉V賣萌讓囝囝拍個夠本。
Michele昨日出席施華洛世奇World Jewelry Facets 2014活動。將於6月20日度過44歲生日的Michele，喜獲大會送贈「水晶鐘乳石吊墜」肖像畫為生日禮物。她坦言生日暫時未有特別慶祝活動，亦沒有外遊的打算。
提到她與老公許晉亨快將七年之癢，加上近日頻頻爆出小三的報道，問她有沒有秘訣防小三？她說：「其實感情好難講，當事人冇預計到，好難評論。（有冇試過有女仔埋老公身？）我試過拍廣告時，佢嚟探班，未到之前其他臨時演員都會補妝，佢一嚟到就即刻擺一個好優美嘅姿勢。其實我唔介意嘅，佢有吸引力係我嘅光榮。我對佢有信心。」
賣萌滿足囝囝做龍友
父親節將至，她表示囝囝許建彤（Jayden Max，小JM）應該會表演唱歌及跳舞給父親做禮物，並大爆囝囝愛唱歌、跳舞。問到小JM是否遺傳到她的表演欲？她笑言：「佢唔係特別鍾意畀人影，要冇鏡頭先會表演，佢鍾意影人多啲。」問到Michele會否做小JM的模特兒？她即時賣萌、舉起V字手勢，並笑言：「我畀佢影咗好多呢啲相，好多朋友都被攝入其鏡頭底下。佢話想做攝影師，去邊度都會帶相機。（有冇儲起佢啲作品？）好難，好多都鬆、郁、矇。」
文：名人組