劉嘉玲綵排緊張 唔敢立亂請假

影后劉嘉玲、影帝梁家輝和謝君豪主演、英皇娛樂主辦大型原創舞台劇《杜老誌》，20場門票在2星期內旋即售罄，有見及此主辦機構鐵定加開6場，共演出26場。嘉玲感謝觀眾支持，笑言有點壓力：「現正積極投入排練中，望更能拿捏劇中角色。」而梁家輝亦開心表示：「係種鼓舞，加場當然愈多愈好。」拍檔謝君豪坦言非常，為演員注入強心針：「整個團隊那團火愈來愈旺，只要繼續有觀眾，團火便繼續燒，希望能繼續加場。」

留飛畀老公

另外，嘉玲昨日以嘉賓身份，出席上海美容旗艦店開幕活動，她透露翌日便要早機返港，因請假出席已被導演毛sir（毛俊輝）訓話：「要集中精神去綵排，嚴肅地對呢件事，唔敢再請假，所以一落機就會趕返去綵排，每日八小時。（門票售罄）有留票畀老公嘅。」她笑言丈夫梁朝偉因天氣熱延至九月才開拍電影：「同我好似有啲背道而馳。」對於曾合作的趙又廷結婚，她說：「好甜蜜，有恭喜佢。」同場羅霖亦性感出席，透露有數位男士展開追求，但要以事業為重：「年尾先啦，男友條件最重要錫我小朋友。」

嘉玲昨日出席上海活動，透露返港後即會趕去綵排。

羅霖、丁子高齊齊出席上海開幕活動。

監製愛情片

此外，由劉嘉玲監製、台灣著名青年導演賴俊羽執導的星皓愛情電影《泡沫之夏》，日前對外公布兩款海報，電影以6000萬於台灣、日本、韓國三地取景，並於9月開拍，隨着海報曝光，女主角張予曦亦浮出水面！而男主角屬誰則暫未公布。