千嬅幫囝囝鋪路 搵馮小剛教戲
【老詠誼海口直擊】楊千嬅與馮小剛同場互笠高帽！千嬅笑言想囝囝丁進諾他朝平步青雲及「子承母業」，計劃讓囝囝跟馮導學戲，馮導則大讚千嬅無論演戲及做人都很有自己一套，十分期待與靚女結片緣。千嬅更不介意當「高齡產婦」，公開表示想「追多個」，隨時做好準備再生B。
內地導演馮小剛與楊千嬅昨在海口出席「觀瀾湖世界明星賽」新聞發布會，賽事將於今年10月舉行，大會宣布今年邀得美國影星謝茜嘉艾芭（Jessica Alba）、色士風好手Kenny G.，以及華人演員甄子丹、任達華及洪金寶等參賽。千嬅在發布會上一臉倦容，她稱因囝囝丁進諾及楊母先後生病所致：「今日（昨日）要早啲起身打電話返屋企，睇吓佢哋點。」她又透露囝囝已開始認得行李篋，知道她遠行便爆喊。
有仔唔怕生
千嬅自言對高爾夫球技術一竅不通：「曾經練習過，但老公叫我唔好亂嚟，40歲人都學唔切。（不如請馮導做教練？）如果有呢個榮幸，比較想請馮導教囝囝做戲，咁樣更加有前途。」明星高爾夫球賽已第3屆舉行，千嬅透露第1屆當過嘉賓，第2屆因懷孕而缺席，問到今年踏入第3屆又是否準備「再造人」？千嬅大方答：「係又唔拘，不過聽天由命啦，再生我都冇所謂。（唔驚打交？）唔怕，仔活潑啲好，佢坐低你就驚嘞。」她打趣指若想生仔，男方記得要吃紅肉，而女方則要茹素。
向來性格火爆的馮導自爆家有五套高球裝備，但都被他打得「體無完膚」。問到最想跟哪位香港演員合作？他即「回敬」千嬅表示：「她無論演戲與做人都很好，很會尊重人，私下也有跟她聊天，我亦曾與丁子高飲酒。」至於與成龍私交甚篤的馮導坦言，已與對方談過數次合作，目前已變成「哥兒們」。