楊思琦讚古列治親切威猛
藝人楊思琦與足球名宿古列治昨日出席「apm早晨！全城瞓醒睇世界盃」活動，思琦妹有幸相見球星高興之餘，大讚他非常親民：「喺後台嘅時候把握機會同佢影張靚相，仲喺啲細細嘅足球簽咗個名。」雖然今時今日的古列治是skin head頭，不過現場的小朋友仍戴上古列治招牌式鬢辮假髮，相當有趣。
初見古列治的思琦妹以前睇波曾睇過他落場踢波：「今次見到真人覺得佢高大威猛、有禮貌同好親切。（仲想見邊位球星？）美斯囉！（以往追睇世界盃？）有時間會，成個月有排追！」她認為足球大人、小朋友都啱睇，女仔都喜歡坐埋睇波，其實是家庭式活動。同場新鴻基地產代理有限公司租務總經理馮秀炎亦有湊熱鬧，與思琦、古列治及LOLLIPOP@F來個大合照，近距離一睹球壇名宿。
