劉倩婷遊韓喜遇「金秀賢」
堪輿學家李丞責太太劉倩婷昨日出席護膚品活動時，透露自己剛從韓國旅遊返港。她說：「今次係我哋嘅公司旅行，一行十幾人，費用由公司全包。（幾多錢？）都唔少，不過價錢唔係問題，最緊要玩得開心，員工有歸屬感。」
作為韓劇《來自星星的你》fans的她，笑言於韓國到處都能看到金秀賢的廣告。問到是否金秀賢fans？她說：「我好欣賞佢嘅演出，不過更鍾意全智賢。（會唔會叫老公剪「都敏俊」頭？）我已經係人妻，要含蓄啲，喺我心目中只係有佢（李丞責）。」她透露現正於老公的公司幫忙，希望把風水事業年輕化，推廣給更多年輕人認識。另外，她透露現正努力造人，期望快有好消息宣布。