DJ瑪姬常為各式活動做主持，別以為跟稿讀容易，其實常會遇上「意外」！瑪姬表示曾試過遇上一大班醉酒客而驚險萬分：「我幫一間賭場做MC，有項遊戲獎品係一箱金粒，你一手拎到幾多就送幾多畀你，點知有班醉酒客衝上台，保安攔都攔唔住要cut咗個環節。」她又試過為一間傳銷公司活動做主持，一班內地人太心急衝入會場，連酒店大門兩米高的門柄都撞斷，非常誇張。不過，她不會揀工作做：「我咩job都接，有錢就做o架喇，上年買咗層樓有排供呀，冇人嫌錢多o架嘛！」
