葉美君心口掛勇字 翻兜攻樂壇
作為初出茅廬的新人，要在競爭激烈的樂壇向上爬並不容易，樂壇新人葉美君（Angel Y）雖然還在起步階段，但已做好心理準備，抱住「說好話、存好心、做好事」的心態面對未來的挑戰。
樂壇新人葉美君（Angel Y）主打生活化及多元化流行曲，提到入行經過及原因，她自言充滿表演欲，並表示過程十分複雜：「我細個就認識依家嘅經理人茶葉教授葉惠民，但當時因為自己仲細，好任性，所以離開呢條路，到慢慢大個，成熟咗，先有勇氣重新出發。」
談到近年出道的歌手常被網民狠批，Angel Y謙稱自己唱功不算好，但會用努力彌補：「唔太擔心會畀人話，我覺得最重要係做好自己，說好話、存好心、做好事，自自然可以改變其他人嘅睇法。」
每日開聲練氣
問到錄歌有甚麼困難，Angel Y說：「最難係捉拍子，好似我嘅新歌《愛心廚房》節奏輕快，係一個善心行動嘅主題曲，希望可以令人聽完覺得開心，同感受到份人情味。」她笑言每日除了花三小時練習唱歌及戒口養聲外，還會想許多「奇怪」方法練氣：「我試過游水練氣時喺水底唱，向水樽猛咁吹氣練肺！」
採訪：艾石
服裝：MS. Clothing
髮型：Samuel@Hair corner
場地：Go inside