雨僑唔着衫 唔認係自己
有自家化妝品品牌的雨僑（圖）透露最近生意蒸蒸日上，產品上架後，令身為老闆娘的她大為安心：「有人會負責幫我賣，唔使我成日Check住啲員工，又唔使我寄貨，我準時出糧就得。」她笑言將來生女兒的話，一心將全副「母業」交給愛女。
提到她在《喜愛夜蒲3》的性感照隨處可見，雨僑說：「我個侄仔有次經過巴士站見到我嘅性感廣告，一眼認出係我，佢叫我做十一姨嘅，佢問我家姐『點解十一姨唔着衫嘅？會唔會凍親？』我哋屋企比較保守，梗係死口唔認，之後佢每日經過，睇睇吓話可能係七叔婆，即係我阿媽，因為我同媽咪都幾似樣。」