吳若希海草纏腳嚇到喊

歌手吳若希（Jinny）日前穿上白短裙騷43吋長腿拍攝劇集歌MV，赤腳企在慶合合沙灘上取景，腳板慘被乾煎險被燒熟，最後更遭海草纏腳嚇到腳軟，忍不住痛哭呼救，Jinny猶有餘悸說：「最驚滑潺潺嘢！」
吳若希
吳若希

「宅男女神」吳若希（Jinny）自加盟星夢娛樂後即獲力捧，獻唱不少劇集歌及接拍多個廣告，人氣及收入可謂三級跳，Jinny日前以白短裙為歌曲《愛我請留言》拍攝MV，導演為配合歌曲特別於沙灘取景，並專程在美國訂購噴霧營造彩色效果。

  • 放大圖片

辣到紮紮跳

拍攝當日天氣高達34度，熱得Jinny汗流浹背，她說：「個妝曬到溶晒要不停補，加上唔想曬得太黑，又係咁補防曬，所以當日大家都好辛苦，見工作人員不斷買水飲。」赤腳上陣的Jinny被「滾沙」辣到紮紮跳，險變豬腳的她憶述說：「太陽太猛曬到啲沙合合，除鞋踩落去辣到係咁跳，如果打隻蛋落去真係可以煎熟。」

最怕滑潺潺

Jinny提起行落海邊時遭海草纏腳，她說：「勁多海草，自己好驚滑潺潺嘢，覺得好恐怖。」隨即自爆嚇到喊：「導演叫Cut時，我嚇到呆咗唔敢郁，工作人員以為我咩事唔郁，其實我係驚到手軟腳軟，最後要幾個工作人員抬起我，自己忍唔住喊咗出嚟！」問到是否吃盡苦頭？Jinny笑說：「又唔算。」認真識撈！

文：音樂組