張立基路直路彎有女泵水
曾與性感女星葉玉卿有過一段情的張立基，近年被指轉基，性向成疑的他昨日被指「拗番直」戀上「成熟版鄧穎芝」並準備結婚，有傳女方早前更出售豪宅套現，以大水喉射住張立基，為愛全奉獻！
張立基早年被指性向成疑，身邊不時有男伴出現，但昨日就有讀者向本報爆料，指有傳現年46歲的張立基最近結識了新女朋友，並提供兩人的合照及其女友的獨照，又大爆貌似鄧穎芝的女友最近把上環豪宅賣出，套現為男友出碟及搞演唱會，實行全力做張立基背後的女人，又指兩人相當恩愛，已踏入談婚論嫁階段。而張立基在微博不時「洩蜜」，曾上載一張名為「愛心午餐盒」的相片。
「拍吓散拖」
記者昨日致電張立基，問到他是否有喜事？他支吾以對說：「唔知算唔算喎，我都冇人要，平時拍吓散拖咋，依家單身。」他又煞有介事向記者索取「女友」的照片，睇完極其緊張地說：「唔係女友，唔係助手，係朋友！」
再問張立基是否即將拉埋天窗？他就強調即使拍拖亦不會對外公開，另問到女友是否為他賣樓套現？他即裝傻扮懵說：「吓？咁犀利？冇呀。」他又澄清微博上的飯盒及靚湯相都是自己煮畀自己食。
忙接內地騷
張立基又透露最近忙於接內地騷，強調絕無經濟困難，又指與「女友」影合照當日，正與好友江美儀在文化中心外做表演嘉賓。另外，同場的歌手龍小菌首度與因唱片合約反目的舊老闆吳君祥碰頭，小菌、美儀和吳君祥全程保持距離，避過尷尬場面。
文：音樂組