黑面楊思琦兇新牌仔
近日離巢無綫的楊思琦貌似動作多多，日前谷胸上陣以健康性感瞓身撐世界盃賺奶粉錢，更準備北上掘金大展拳腳，未知思琦妹是否因對新生活感到壓力，昨日「重遊」停車場時與新牌仔糾纏十多分鐘，更略顯煩躁。
本刊昨日收到讀者爆料，思琦妹昨日被拍得於九龍城區停車場內與另一位車主發生糾紛。當本報記者致電思琦妹了解情況時，曾有「喪鬧前科」的她，即強調自己未有與對方爭執：「對方架車停咗喺路中間擋住去路，車主貌似係新手唔知點處理，落車了解咗情況後，等停車場保安過嚟處理咗。」思琦妹更指事件未有影響心情，昨日放假的她更把握時間與家人樂享天倫。
變臉喪鬧有前科
其實思琦妹在停車場黑面兇人已非首次，前年中秋節期間，與6個月大囡囡及家人飯聚離開時，發現有記者在停車場拍照，即情緒失控「變臉」，記者解釋只是撞見非存心打擾，但嬲爆的思琦妹繼續喪鬧，而護女心切的楊父更激動地試圖搶奪記者器材阻止拍攝，未幾報警求助，最後警方到場調停，導致雙方不歡而散。
文：影視組