杏兒自爆新歡 力抗珊坑
炎夏來臨，女星開始大派冰淇淋，使出渾身解數性感登場。修身成功的徐子珊前晚谷胸出席活動，輕易在眾女星之中突圍。不過，同場大露背上陣的胡杏兒就坦言有新對象，還謂新歡是圈外人，故此要細心保護。
前晚眾女星盛裝出席活動，包括有徐子珊、胡杏兒、田蕊妮、劉心悠及吳千語等，其中大露背的胡杏兒笑言不是「事業女」，故留前鬥「後」比較適合。曬得一身古銅膚色的杏兒，透露拍劇「曬燶」了，希望有「有心人」欣賞。問有新對象沒？她甜笑說：「未確認，確認咗話你聽，要再了解吓先，（擇偶條件？）啱眼緣同啱傾就可以，（唔想再同圈中人拍拖？）唔係，只係呢行冇乜選擇。」問是否對象是圈外人，所以要保護？杏兒默認有新對象說：「都係。」她又為好姐妹姚子羚澄清被傳因逼婚不遂而跟有米男友分手一事，強調兩人是性格不同。
同場的子珊以谷胸tube dress現身，露出事業線，相當養眼！訪問時，她以「事業型女性」自居，問是否修身成功騷身材？她笑說：「繼續努力緊，向呢個目標進發啦！（底線露幾吋事業線？）其實我冇乜o架咋，係錯覺，（有冇僭健？）咁又冇，不過我改細咗條裙，因為太鬆驚會甩，做足晒安全措施！」她笑謂「咪咪」間中出來抖氣見人就好，不用太頻密。
心悠做Lady BB
至於只以Bra配不扣鈕外套現身的吳雨霏，就自嘲是小兒科，她笑說：「我唔想刻意性感，想型啲，若隱若現就得。」有指她跟網球男友復合？她說：「冇，係朋友，我依家係單身，冇乜機會約人，不過嚟緊6月9日28歲生日，就有人約食生日飯！」同場的劉心悠透露新開的製作公司準備印製卡片，笑言叫同事印她為「CEO」，希望藉此搣甩「心悠BB」的外號，她說：「以後叫我做『Lady BB』啦！」
文：名人組