蔡楓華開紅館騷 多得耀榮鼓勵
蔡楓華昨日戴上黑超出席國際歌迷會活動，透露成功申請今年十二月中紅館檔期：「好難得，申請咗好多次。（開幾場？）主辦、場數唔講得，今次係四面台，開紅館唔止係心願，借紅館去奠定地位。」
由於其2012年紅館個唱是張耀榮做主辦，問到今次個唱會否交耀榮公司搞？蔡楓華竟不知張耀榮已入土為安說：「張生啱啱過咗身，等佢搞埋喪禮先。（喪禮已完成）再同耀榮嗰邊傾。」隨即表示申請月底的檔期是張生鼓勵他：「張生好錫我，一直話想同我做十場八場演唱會，無論今次耀榮做唔做主辦或協辦唔重要，最重要張生幫我圓咗紅館夢，蔡楓華一生有情有義，絕對唔係人哋所講忘恩負義。」