澳門四度開騷 林峯險遭歌迷拆骨
演而優則唱的林峯前晚在澳門威尼斯人舉行《A TIME 4 YOU林峯演唱會—澳門站》，第四度在澳門開騷的他握手時被熱情歌迷整痛，並大叫：「你哋細力啲，好痛好痛，斷喇隻手！」到他第二次下台握手又笑言：「你哋拆骨呀？」他又與歌迷影即影即有相，然後在台上「飛」相落台，全程chok爆。
對於女友吳千語未有撐場，林峯訪問時指對方已欣賞過香港站，並再澄清未有退休和結婚計劃：「我仲想喺澳門開第5場演唱會，工作上仲有好多嘢想發展。（結婚？）一定會做，但暫時未有時間表。（因為千語仲後生等得？）你即係話我老啫？係timing問題，啱就會做。」
