李麗珍喊腫眼：飛咪飛囉！

李若彤（右起）、葉蘊儀和李麗珍因《女》劇而人氣急升。

女星李若彤、李麗珍及葉蘊儀昨日到馬鞍山宣傳無綫劇集《女人俱樂部》，原本有份出席的袁潔瑩因病缺席。戴上眼鏡的珍妹幾乎素顏到場，她半開玩笑說因最近受了「雙重打擊」令她喊了兩日，首先是劇集劇情太感人，另外則是不忿被指「戲屎」演技差，她直認角色相當難演，但已盡力。有傳她被飛出《女》電影版，她說：「飛咪飛囉！我唔介意，但我今次盡晒力，冇遲到冇早退，未試過咁認真，我畀自己80分。其實網友由開頭話我硬面，到近排好多都讚，都叫有番啲安慰！」問到會否向監製曾志偉求證？珍妹說：「唔啦！比起佢我梗係戲屎啦！我之前拎影后都係好運，係導演好。」她又透露計劃與朋友搞珠寶品牌「Miss Lily」，起初想用角色名「Miss Julie」，可惜名字已被登記。

• 三女即場派發洗頭水，引來圍觀市民爭相搶奪，場面墟冚。

李若彤爆喊自嘲肉酸

李若彤稱剛於上周五播出的爆喊戲份迴響甚大，演技受讚，但她笑說：「我喊到流晒鼻涕，睇番好肉酸，但證明我投入。」提到志偉曾笑她們起初甩皮甩骨，期後才愈演愈好，她說：「咁講可能係想話依家好大分別。（再屈佢請去旅行？）唔好話屈，係誠意邀請我哋陪佢玩，早排去台灣，之後想去日本、歐洲，講吓都開心。」葉蘊儀則笑言喊戲竟換來朋友取笑：「話我肥嘟嘟，喊住都要食豬肉乾，好搞笑。」她又指就讀中二的女兒支持她拍戲，但不滿女兒及其同學被「起底」。

文：影視組