JC巨胸壓場 Lea T.堅挺奮戰

「警鐘胸」混血女模Jessica C.（JC）、霍啟山緋聞女友Lea T.昨日出席大埔超級城《新地森巴狂熱迎世盃》活動，兩名混血女模均穿上性感Bra Top現身，即場鬥身材。Lea常做運動，故胸部非常堅挺，即時令在旁的JC顯得相當「墮落」。但JC則以分量取勝，以巨胸奪回不少分數，二人鬥得難分難解。

感慨世盃又臨

JC更向Lea笠高帽，大讚對方靚女及努力做運動。提到世界盃，她自言初來港時是上屆世界盃，令她覺得時光飛逝。她又表示會支持巴西隊：「我有好多巴西朋友，佢哋對足球充滿熱情，平時都會同朋友出去睇波。（鍾意邊個球星？）個個都係Hot guys，全部都訓練有素！」她又透露六月將到馬來西亞一個月拍攝一部動作喜劇，由於工作密麻麻，故今年不會推出寫真。

Lea每周做10次健身，難怪身形健美。

兩模與新鴻基地產代理有限公司租務總經理馮秀炎（左）出席世盃活動。

健身狂操勁fit

Lea則透露每周做10次健身，故操得一副好身形。問她於健身房有否認識到Hot guys？她笑言：「我好專注做運動。（有冇畀男仔撩？）有時都有，因為嗰度周圍都係男仔，好多男仔會嘗試同我傾偈。」她又透露將與朋友到歐洲度假兩至三星期，問到其緋聞男友霍啟山可會同行？她笑言：「你要問番佢有咩Summer plan，我只可以代表自己講嘢。」

文：名人組