周秀娜情傾有味男

「宅男女神」周秀娜為「Sa Sa‧第三屆香水奧斯卡」擔任香水大使，早前為活動拍攝宣傳照，以三套高貴晚裝亮相，綻放春日魅力，同時展現優美婀娜身段，其中一套low-cut晚裝更完美突顯其豐滿體態，大騷事業線，引死宅男！

香水表心意

娜姐透露自己收藏了過百支香水，除了愛噴香水增加女人味外，她亦非常注重伴侶的體味，更坦言希望找到「香香公子」，她說：「每當我對一個男仔有意思，就會送男性香水畀對方，再約佢出街，睇吓佢有冇用到我送畀佢嘅香水。如果佢同我出街嗰陣香噴噴，就會加好多分！」

娜姐家中收藏過百支香水，藉着香氣添加女人味。

娜姐自爆最近送了香水給其中一名追求者。

仍在觀察中

她更自爆最近送了一支香水給其中一名候選男友，對方更即時使用，令她感到非常高興，問到對方是否早前送花給她的劉先生？她回應：「唔係，暫時冇送畀劉先生，有機會先送啦。（會同送香水嗰個男仔拍拖？）依家仲喺觀察階段，可能遲啲送多支香水畀佢，出多幾次街先決定啦。」

文：名人組