呂慧儀太后上身老公服侍
藝人呂慧儀、高海寧、岳華等昨日出席劇集《西遊記》宣傳活動，準媽媽呂慧儀笑自己是太后，有老公貼身服侍，又即場與扮豬八戒的演員鬥大肚；岳華則力撐新劇劇情細膩，謂劇集需要耐性去欣賞。
已懷孕五個月的呂慧儀（長腳蟹）昨日由老公黃文迪陪同下現身宣傳活動，長腳蟹在台上與豬八戒鬥大肚，又不慎甩鞋帶，幸好有老公細心地為她効勞。她表示之前與老公相約行街，所以陪她一起開工，又笑謂自己是太后，對於老公細心服侍令她不時甜笑。被問到有否收看劇集？她說：「睇到孫悟空時佢（指腹中胎兒）會郁！（嚇親？）唔會啦，佢冇咁細膽！如果係囝囝就睇多啲《女人俱樂部》，不過睇多啲神話故事係好！」她又稱仍未知性別，她說：「佢唔合作，郁嚟郁去照唔到！」
高海寧取經
同場的高海寧表示與呂慧儀大談媽媽經，她說：「佢叫我第時有咗買內衣要買大啲size，而且唔可以抱BB，因為自己個BB會小氣，第時會好難湊。」不過她希望五年後可結婚生子，因擔心做高齡產婦，她說：「最近有朋友生B，用咗15分鐘就生咗，但隔籬床嘅生咗好耐都生唔到，我朋友24歲，有仔趁嫩生，而且修身都會快啲。」
岳華讚完美
屬第一代飾演孫悟空的岳華在1964年拍過邵氏電影的西遊記系列，被問到有否收看劇集？他表示有看過，認為與自己當年拍的大大不同，他說：「當年拍嘅一共四部，當時只係黐鬚同畫眉毛，今次搵埋荷里活嘅特技化妝，進步咗，已經盡量完美，戲係要慢慢睇，畀啲耐性去睇。」
文：影視組