陳法蓉谷胸畀仔撩
前港姐陳法蓉谷胸出席護膚品活動，露出三吋事業線，相當養眼！她說：「頭先行過嘅人嘩嘩聲，仲畀男人撩，（尷尬？）還好，有好多人搵我合照；其實我平時唔使做嘢多數都會素顏，（咁你搵男友時敢唔敢素顏約會？）如果大家有發展空間嘅話，若對方嫌棄我素顏就好難交往。」
同場的名模馬詩慧提到長女王曼喜近日出櫃，問她可會不開心？她說：「我唔可以用開心嚟形容，如果係咁就好似鼓勵件事，我只可以話我接受我個女。」有指女兒出櫃後工作減少了？她直認說：「係呀，之前有個job book咗佢，但報道出嚟之後就話cancel，（覺唔覺得歧視？）咁其他人有權諗其他嘢。」她又謂女兒決定公開出櫃時沒有徵詢過她，但女兒長期被傳媒偷影，出櫃也是遲早的事。