吳君如愛心手繩貴過珠寶

明顯消瘦的吳君如大晒愛女所整的手繩，甜笑指值錢過珠寶。

面頰消瘦認減磅

只見她身形和面頰消瘦，她亦承認減磅：「因為開工成日周圍飛，食得唔好，又瞓得唔夠。」她又甜到漏大騷手腕上的手繩，她sweet爆說：「係個女網上睇片學織畀我嘅橡筋手繩，真係值錢過任何珠寶，依家佢整完之後，我就攞嚟戴襯衫，我覺得好靚。」

田蕊妮狂掃咖啡

而日前已飛往意大利的杜汶澤和田蕊妮就趁空檔逛街拍拖，出名是咖啡迷的阿田到心愛的咖啡店大量掃貨，最後當然由老公阿澤找數，而二人更狂食雪糕，令早前操得甚fit的阿澤亦笑言美食當前難以抗拒：「就算打回原形都無所謂啦！」

杜汶澤和田蕊妮正於意大利到處遊覽。

田蕊妮到咖啡店狂掃貨。

談到上次他在電影節留下外套，問到阿澤是否已將外套拿回時，他笑說：「冇攞呀，件褸太大，已經唔啱着，同埋我想留番個好意頭同藉口可以成日嚟。」而阿田就心繫家中愛貓Momo，故歸心似箭的二人只會逗留數天。

文：影視組