胡鴻鈞寸爆馮允謙偷懶唔練波

胡鴻鈞（Hubert）領軍的籃球隊為慶祝成軍一周年，昨日聯同馮允謙（Jay）及吳業坤等與其他隊伍進行友誼賽，坤哥笑言在慶功宴上會埋單請客，歡迎粉絲黐餐。由於Jay經常甩底唔練波，Hubert與坤哥趁機聯手寸爆他說：「佢去行山都唔練波，佢最叻係潛水，今日着埋件潛水衣嚟，新一年要定新隊規，唔嚟一次罰一千蚊。」
胡鴻鈞領軍的籃球隊成軍一周年，獲好友到場打氣支持。
胡鴻鈞領軍的籃球隊成軍一周年，獲好友到場打氣支持。

而同場做啦啦隊打氣的吳若希（Jinny）、何雁詩及許靖韻（Angela）與他們玩二人三足，可能玩得太過肉緊，期間Jay抱起何雁詩衝線時，疑似碰到對方「咪咪」。Jinny表示雖然表面來支持好友Hubert，但實際情迷教練劉子健：「佢好靚仔，每次見到佢都會集郵，Hubert簡直唔同level啦！」

馮允謙抱起何雁詩時，疑似碰到對方「咪咪」。
  • 馮允謙抱起何雁詩時，疑似碰到對方「咪咪」。