黃秋生拍劇當放假
黃秋生、黎芷珊、蘇玉華、蝦頭等前晚於尖沙咀拍攝無綫節目《燭光晚餐》最後一集，問秋生會否「添食」拍續集？他說：「唔添喇！（唔捨得？）想快啲完添呀！因為舞台劇嗰邊踢晒腳！」他透露舞台劇《EQUUS馬》劇組日日有人受傷：「有個舞蹈員跣親，軒仔又肺炎，不過佢因為咁而唔使減肥，更符合個角色。」問他完騷後會否放假休息？他笑謂：「去TVB開劇當係放假。」
另外，蘇玉華男友潘燦良近日奪舞台劇劇帝殊榮，更於台上作深情表白，蘇玉華表示好冧：「多謝佢咁公開地多謝我。（好冧？）都冧嘅。」問何時結婚？她甜笑謂：「幾時嫁我都唔知o架。」
