梁思浩前晚與莊思敏、江美儀、關伊彤等好友預祝生日，江美儀爆思浩願望重投無綫，思浩自爆上年無綫曾斟他回巢：「TVB人工偏低，離開咗十年，依家人工係我離開TVB時嘅十倍，係有感情分，但TVB一半都畀唔到，世界係圓嘅，相信我有日會返TVB。」
思浩被問到未能返娘家的原因，就愈說愈激動且哭起來：「都有人問我仲憎唔憎陳志雲同樂易玲，曾經好憎佢哋，嬲到將佢哋嘅相放大好似左右門神咁貼喺門口，因為要記住對自己唔好嘅人，當年做四份工攰到爆見到張相就有番動力，但依家已經放下，見番會一笑泯恩仇。呢十年係有唔開心，但已經放低咗幾年，啲相貼咗三年，幾年前都撕咗落嚟，要感激對我唔好嘅人！」
