田蕊妮開騷變喊包不讓老公孤單
入行廿年的田蕊妮前晚終於如願在九展舉行演唱會，吸引圈中好友徐子珊、鍾嘉欣等支持，而老公杜汶澤全程做私家攝影師捕捉老婆最美一刻，蘇永康和師弟蔣卓嘉則擔任嘉賓。
阿田在台上5度落淚，又向老公講肉麻情話：「我哋2005年結婚，喺呢9年經歷咗好多嘢，有起起跌跌，但我知呢啲經歷會令我哋感情更加堅固……跟住落嚟呢首歌係對依家嘅你，杜汶澤，將來10年、20年、甚至30年嘅你，最想講嘅說話，不再讓你孤單。」
阿田受訪時坦言最擔心哭成淚人影響唱歌：「我驚瞓唔到覺，去睇咗醫生，醫生畀咗啲好安全嘅藥我，我食咗一粒，上台前真係緊張又好期待。」
