小齊踩單車差啲撞

台灣歌手任賢齊昨晨跟謝安琪（Kay）出席「滙豐博愛單車百萬行2014」活動，但阿Kay未有落場踩單車，小齊說可以在昂船洲大橋上踩單車感覺很好，不過期間見到不少意外發生，他說：「因為呢度風景好靚，有人突然停低，又有人突然cut線，見到前面炒埋一齊，我見唔妥就即避，都差啲撞。」
小齊笑言踩單車都要有技術，睇佢身手都唔錯呢！
小齊笑言踩單車都要有技術，睇佢身手都唔錯呢！

小齊又呼籲大家踩單車時要注意安全，他說：「踩單車好似好簡單，但都要技術，香港好少單車場，想教小朋友學單車都冇地方。」小齊又指自己曾在台灣環島遊，笑言踩到想暈，不過因為台灣人好熱情幫手打氣，所以感覺好舒服。另外，騎電單車到場的小齊就獲粉絲集郵，臨走時粉絲們都大叫：「小齊好型呀！」

小齊騎電單車，粉絲嗌型，並爭相拍照。
  • 小齊騎電單車，粉絲嗌型，並爭相拍照。
謝安琪與小齊參加單車百萬行，惜Kay未有落場踩番份。
  • 謝安琪與小齊參加單車百萬行，惜Kay未有落場踩番份。