模特兒吳堯堯（仙樂都）與「綠魔」許嘉浩昨日出席印尼民族匯演比賽，仙樂都笑言被誤會是印尼人：「我一嚟到佢哋就同我講印尼話！」她透露近期忙於拍電視節目《怪談》，更遇到不少怪事，透露早前在墳場拍到與靈體的合照：「我（目及）到張相有啲古怪，唔敢睇！去完墳場晚晚都瞓得唔好，成日發噩夢，同埋個人覺得好重，師傅話佢（靈體）只係八卦望吓，叫我唔使驚，最後由一位泰國師傅幫我做淨身法事，我即刻覺得成個人輕晒！」
