G.E.M.7秒記憶忘盡林宥嘉
以一頭耀眼紅髮驚艷《我是歌手2》決賽舞台的鄧紫棋（G.E.M.），昨日在港出席簽唱會，將長髮染回啡色的G.E.M.更首度開腔談及與舊愛林宥嘉分手一事，自言只有7秒記憶的她，隱喻已將舊愛林宥嘉拋諸腦後。
憑着《我是歌手2》人氣急升的G.E.M.，回港後昨日首度出席公開活動，舉行簽唱會，G.E.M.以一頭啡髮現身，問到為何不保留紅髮？G.E.M.謂：「個頭一星期就甩色，又太易認到。」紅髮的確超級搶眼，早前賭王四房千金何超蓮上載了與「紅孩兒」的床照，眼利的網民一眼便看出紅髮的真身是G.E.M.，G.E.M.說：「咁啱大家都喺北京，咪嚟咗瞓。（羨唔羨慕超蓮咁sweet？）佢哋好sweet咩？我得金魚7秒記憶，嗰晚講過咩唔記得喇！」
「唔想再提佢」
金魚G.E.M.的記憶可能真的只有7秒，對於舊愛林宥嘉（Yoga）亦忘得一乾二淨，她說：「一片空白，我冇嘢好講。」不過當問到是否因為自己近日人氣急升而狠飛Yoga？G.E.M.立即否認：「係掉番轉。（咁係佢飛你？）唔想再提佢。」至於私人facebook大罵Yoga的留言是否G.E.M.所寫？G.E.M.又繼續封口：「我私人facebook嘅嘢唔會喺公眾地方回應，係我私人生活。」未知對Yoga隻字不提的G.E.M.，是有難言之隱還是變相默認呢？
用電磁爐煮麵
另外，提到日前有網民指G.E.M.家中的開放式廚房使用明火煮食爐有可能觸犯條例，G.E.M.就沒有正面回應，只表示：「係裝飾嚟o架，唔得咩？我喺電視入面又冇煮嘢食。」
問到會否因為報道改變廚房設計？G.E.M.則表示：「我唔想有咁多牆，所以拆得嘅都拆晒，同埋隔籬仲有個電磁爐，平時整即食麵都係用佢。」
文：音樂組