藝人陳秋霞昨日到粉嶺拍攝由好友吳錫輝主持的nowTV飲食節目。當年以唱作歌手身份紅遍中港台的陳秋霞，坦言現以寫歌為主：「最近都幫Chris（鄧子霆）作咗首歌，以徐志摩嘅《偶然》做主題。」
陳秋霞稱大女已婚，自己不心急抱孫，而現在做音樂主要為了自娛：「我啲歌都唔商業，作畀自己欣賞，都有同外國音樂人合作嘅，畀自己開心吓。」但主持人就爆陳秋霞歌癮大，還曾唱K唱到喉嚨生繭。
