阿B唱盡深情搞喊范姜

阿B與女友范姜帶同三女出席，樂也融融。

樂隊溫拿前晚到澳門開演唱會，大班老友包括曾志偉、葉童夫婦、苗僑偉和戚美珍，譚詠麟（阿倫）的媽媽和兩位妹妹、鍾鎮濤女友范姜和三個女兒等人特地過大海到場支持，五人在近3小時內唱出40多首經典歌，陳友感恩謂多年後溫拿依然是原班人馬，彭健新即抵死說：「我哋仲行得、走得、揪得，仲有頭髮、有牙！」阿B則唱出自己重新填詞的《家裡家外》冧女友：「呢首歌送畀我細路嘅媽媽，多謝你咁多年嘅支持。」台下的范姜即感動落淚，連身旁的志偉亦喊埋一份。

健仔獲贈「長者咭」

臨完場時，阿倫突然拿出自製「金像獎」頒給有份角逐金像獎最佳男配角的陳友，獎座上的戲名刻住「下部擔正」，令陳友哭笑不得，阿倫說：「姑勿論你聽（昨）日拎唔拎到獎（註：最佳男配角由張晉奪得），首先頒咗呢個獎畀你先，今次係配角，希望你下一部擔正！」眾人又送上特大「長者咭」予剛過65歲生日的健仔，健仔笑言：「以後搭咩交通工具都係兩蚊！」

溫拿五虎落力開騷，慶幸大家友情不變。

健仔獲贈長者咭，晒V影相。

• 陳友獲頒「金像獎」，哭笑不得。

為陳友訂直升機

訪問時，五人表示因昨午在澳門仍有活動，故特別訂了直升機讓陳友趕回香港出席金像獎，認真大手筆！談到范姜和志偉被阿B填詞的歌感動落淚，阿倫搞笑道：「志偉又同你有嘢啊？可能佢諗自己啦，好對唔住（某人），代表佢心聲。」