平日走中性型格路線的何韻詩，昨晚以一襲橙啡色裙行紅氈，但何國鉦卻指她是全場最醜：「呢條裙喺『天橋』睇模特兒咁高嘅身形着，效果都麻麻，佢（何韻詩）嘅高度着就好有難度，好難駕馭，原本及膝長度嘅設計對佢嚟講亦太長，又着到佢冇晒腰，條裙唔適合着嚟行紅氈。裙嘅顏色顯得佢皮膚好黃，佢今晚打扮失準。」
湯唯的戰衣雖漂亮，卻不襯她，何國鉦說：「條裙沉色得滯，同埋佢黑頭髮唔應該放晒落嚟，感覺好重。」孟瑤的衣着也未獲好評，何國鉦謂：「佢胸大就唔好刻意騷，Tube dress顯得佢個胸更大，加上佢皮膚白，顯得肥，係過分暴露。」
