傅嘉莉揸「大膽車」撞壆收場
傅嘉莉與莊思敏、黃紫盈等前晚出席於Volkswagen灣仔陳列室舉行的全港唯一、全球限量3,500部「Beetle GSR Yellow and Black Party」派對，莊思敏谷胸騷腿搶盡風頭。
傅嘉莉稱買物業好過買車，因較保值，同時大爆曾揸「大膽車」，結果失控越線撞壆，令她留下陰影。她表示沒看過網上流傳鄭裕玲在清水灣道越雙白線逆線爬頭的短片：「我寧願遲到，唔好咁危險！」莊思敏則坦言偏愛跑車，直認是辣妹一名：「曾經畀人撩鍊車，忍唔到咪鍊過！有時輸有時贏啦，我細個唔識死嘛！」
