每逢有紅地氈的場合，不論中外都定必是一眾女Artist爭妍鬥麗之地，不過並非所有紅地氈都要晚裝上陣，不同場合的紅地氈，衣着打扮的隆重程度亦有所不同。例如早前於美國舉行的Kids' Choice頒獎禮，就可以casual一點。而荷里活電影的宣傳活動如首映禮，卻絕對可以晚裝上場亦不會over。名模陳嘉容就大讚早前出席電影首映禮的莎蓮活德麗（Shailene Woodley）美麗迷人又性感，條裙超靚，顯得她沒有一滴多餘的脂肪，好苗條。而金美倫戴雅絲（Cameron Diaz）則sexy到爆，好有女人味。
「好靚，着得佢身形好修長，有種大個女嘅感覺，增添咗幾分成熟韻味，高貴大方之餘亦保留佢嗰份妙麗甜美氣質。不過髮型有啲老氣，條裙咁elegant，啲頭髮就應該放番落嚟，casual得嚟平衡番。」
「sexy到爆，有型得嚟又有女人味，佢只係襯咗好少accessories，化妝髮型亦好簡單，成個感覺好舒服，兼好有個性，星味十足。」
「幾清新，綠色連身短褲襯金色鞋，加埋一把金髮好match，好有少女味，casual smart得嚟又帶有活潑佻脫嘅感覺。」
「超靚，條裙好特別，我未見過咁嘅設計，好修長、好苗條，非常性感，呢條裙幾蝦人着，多啲啲脂肪都唔得，佢一滴多餘嘅脂肪都冇，身材fit爆所以着得好好睇，好迷人。」
「好襯佢哋團隊嘅感覺，啲裙好靚，好colourful，好有青春氣息，好girly，有相同嘅特質但又呈現出佢哋唔同嘅個性。」
「珊瑚粉色吊帶短裙散發青春氣息，一對裸色高踭鞋好襯，裸色鞋係夏天百搭之選，令成個look更有夏日陽光感覺，但係髮色出咗事，有啲黑色頭髮生番出嚟冇染番，要扣分。」
香港著名模特兒陳嘉容（Eunis），曾為各大國際品牌行時裝騷，在時裝界打滾多年，無論時裝理論或是實戰都難不倒她，近年更為電視時裝節目擔任主持，化身stylist教人配襯衣着打扮。