吳彥祖谷爆負能量等攞獎

吳彥祖為飾演飽受心理壓力的警察，除了減磅外更要保持負面心理狀態。

勞氣托攝影機

Daniel突破演技，在《魔警》中飾演一位深受心理壓力的警察，為演好角色下了不少苦功：「我之前訪問咗一個精神分裂嘅男仔，了解佢嘅心理狀態。我唔單止減咗三十幾磅，仲要保持負面心理狀態幾個月，好痛苦。」

除了挑戰演技界限外，Daniel更大爆有一場戲令他非常「勞氣」：「有一場戲講我聽到婆婆過身消息後嘅反應，係一鏡直落幾分鐘嘅戲，攝影機係連喺我着嗰件背心嘅前面，但係唔太穩陣，所以攝影師叫我自己用手托住，我即時好嬲，點可以要我一邊托住部機，一邊做崩潰嘅表情，但冇得拒絕，惟有照做，好彩兩take搞掂。」

吳彥祖受訪時大爆拍《魔警》的辛酸。

林超賢（右）與吳彥祖擦出不少火花，希望對方能憑電影獲獎。

滿足導演要求

在《魔警》中超水準演出，Daniel獲老闆楊受成以及林導看好，期望他未來能憑電影獲獎，Daniel則笑言得獎只是其次：「佢哋話我攞硬，但我唔會咁諗，怕影響自己表現；我只想滿足到導演同自己嘅要求，如果得獎，就係bonus。」

文：影視組