陳展鵬李亞男齊撐 吳卓羲問心無愧

藝人吳卓羲（Ron）、陳展鵬及李亞男等昨於葵芳為無綫劇集《叛逃》結局篇谷收視，獲近半百粉絲到場支持。問剛由泰國旅行返港的Ron有否被無綫前PA（助導）出書批評而影響心情？他說：「冇唔開心，我覺得係件好笑嘅事，係對方嘅宣傳方法，無謂再幫嗰位仁兄做宣傳，我真係對佢冇印象，（影響形象？）我問心無愧！個個（工作人員）都錫！」對於工作太辛苦會否爆粗？他說：「我會講，但我唔會無端端爆粗鬧人，唔會對住人講。」
吳卓羲（左）與陳展鵬係「沙煲」兄弟。
吳卓羲（左）與陳展鵬係「沙煲」兄弟。

至於展鵬稱該作者宣傳手法了得：「佢出書當然會寫古靈精怪嘅嘢。（聽過Ron同林峯爆粗鬧工作人員？）冇聽過。」李亞男則大讚Ron為人紳士及有耐性，亦未聽過對方爆粗。

另外，將出任「世界盃」宣傳大使的陳展鵬表示能參加普天同慶的嘉年華十分興奮，他又表示一向力捧主場巴西：「就算拍劇忙都會追番外圍賽。」

一眾藝人為「世界盃」拍宣傳照。
  • 一眾藝人為「世界盃」拍宣傳照。
李亞男露小蠻腰搶鏡。
  • 李亞男露小蠻腰搶鏡。