啟華讚子珊正咀到嘴歪

吳啟華讚子珊「正到不得了」，逗得伊人笑不攏嘴。

藝人吳啟華、徐子珊、黃德斌等前晚出席劇集《再戰明天》收工飯局，無綫助理總經理區偉林亦有出席支持並代表公司慰勞一班台前幕後員工。首次與子珊合作的啟華大讚對方「正到不得了」，又笑言二人在劇中有甚多咀嘴戲：「咀到個嘴都歪埋！」子珊聞言即笑說：「講呢啲！」啟華又透露稍後會和曾志偉到新加坡旅行數日：「慶祝佢生日。都係高爾夫球會嘅人去，因為志偉係會長。（準備驚喜畀志偉？）話明係驚喜梗係唔講得，都有準備。（驚喜定整蠱？）佢都整蠱得人多喇！」

難忘監獄肌男

子珊談到拍攝的難忘經歷，她表示是去赤柱監獄拍攝時見到男囚犯「放風」（去操場散步休息）：「佢哋好大隻，好多肌肉。（向你叫囂？）冇呀， 好禮貌，好安靜，我都唔敢望佢哋。」問出名有「42吋」胸肌的德斌覺得跟男囚犯比誰更大隻時，他笑說：「各有各大隻啦，依家裏面待遇都好好多，唔係以前監獄風雲年代，有好多渠道畀佢哋表達意見，同埋營養師照顧佢哋飲食，除咗冇自由之外都唔錯。」而區偉林強調近年無綫員工的福利已改變，令幕後更團結。

吳啟華、徐子珊、黄心穎（右二）等齊齊出席慰勞宴。

黃德斌擁「42吋」胸肌，名副其實大隻男。

文：影視組