樂基兒向蕭亞軒取經做生意

名模樂基兒（Gaile）自從與黎明離婚後，便淡出幕前轉型做珠寶設計師，近日還推出自家珠寶品牌。日前她飛到台灣工作，雖然沒有新西蘭籍男友Denim（暱稱Cuz）陪同，但節目仍然非常豐富，盡情品嘗地道美食，又與友人掟鏢作樂，還特意抽空到蕭亞軒（Elva）自家經營的潮店，向對方取經。

作為老闆娘的Elva帶Gaile周圍逛自家店，Gaile對其商品非常有興趣，更與男店員傾到雞啄唔斷，又不時用手機拍攝商品，最後拿住一袋戰利品離開。Elva一盡地主之誼，請Gaile返家作客，至於二人是否有生意上合作？Elva經理人表示沒聽她提過。

否認男友求婚

另外，昨晚Gaile出席品牌酒會時，提到在台灣與Elva聚會，她大讚對方為人很nice，她說：「朋友介紹，我去咗佢間舖，支持佢，佢好好，請我食飯，又送好多禮物畀我。」她表示十分欣賞Elva，懂得設計服飾，歌唱工作之餘又能兼顧生意。問到有否向對方取經？她說：「有，佢好勤力，自己經營生意，（傾合作？）冇。」對於有指Denim向她求婚，她回應：「唔係真，（之前受訪時話自己控制欲強？）做咗設計之後，可能自己生意緊張啲，工作方面。（愛情控制欲唔強？）唔清楚，唔想講私人嘢。」

文：名人組