鄧以婷@Super Gear滑雪險凍傷
女子組合Super Gear成員鄧以婷（Irina）日前與朋友到日本旅行，鑑於當地下大雪，故Irina過了一個「白色」冬天，Irina更首次嘗試滑雪，更大呻好難，她說：「我都係第一次學滑雪，學咗幾次就識啦！不過最難就係平衡，我都試過滑滑吓就跌低，搞到個pat pat好痛。」
另外，貪靚的Irina為了紀念滑雪的一刻，與朋友自拍了無數次，令手指「受傷」，認真誇張：「為咗同朋友影靚相，所以我哋多數都係戶外玩自拍，返到酒店先發現隻手指好似凍傷咁，不過為咗影靚相，無所謂啦！」
