葉子菁娃娃臉闖樂壇

作為新人，自然對娛圈充滿憧憬和好奇，外表嬌滴滴的Joanno也不例外，更希望能成為一位能唱能跳的歌手，她說：「依家啲歌都以抒情為主，但具型格就係我夢寐以求想做到嘅事！」人生第一份工就是做歌手，表面看似風光，但背後卻充滿暗湧，她透露家人對自己入行頗有微言：「屋企人擔心我壓力大應付唔到，不過同屋企人傾咗一排，最後達成共識！」暫時未有拍拖的Joanno，雖然未有愛情滋潤，但勝在多朋友支持，她說：「朋友好羨慕我可以做自己鍾意嘅嘢，我有乜Event都第一時間支持我！」

受孻叔影響

Joanno與其他歌手一樣，對音樂的熱誠都是從小培養，一切也因為孻叔，她說：「孻叔係流行曲發燒友，一日24小時都係聽歌，搞到我都鍾意咗音樂！」為滿足「唱歌欲」，Joanno從小學開始已參加各大小歌唱比賽，亦因此令她發現自己十分喜歡上台表演的感覺。

現時大部分歌曲都是由葉惠民教授為她作曲填詞，Joanno說：「希望呢個一老一嫩嘅組合，會帶畀大家新鮮感！」

採訪：戴玉霖

攝影：司徒國榮

化妝及髮型：Trista Cheung