蔣家旻搵「阿哥」幫眼揀戰衣

蔣家旻憑電影《第一次不是你》候選金像獎「最佳新演員」，早前她相約處境劇《愛．回家》的「阿哥」羅天宇齊齊到中環揀戰衣，從旁給予意見。

羅天宇畀意見

女孩子揀衫固然三心兩意，件件靚衫也覺得靚，有羅天宇以男士角度給予意見，自然得心應手，兩「兄妹」有商有量比拼一番後，蔣家旻順利挑選得靚靚戰衣。

入行七年的蔣家旻去年連拍兩套電影，更首度獲得金像獎提名，她覺得自己是個幸運兒，對於攞獎可有信心？蔣家旻說：「一半一半啦，信心講真唔係好大，有提名已經好滿足，自己都冇諗過有機會提名金像獎，今次係好大嘅鼓勵，希望多啲觀眾認識我，將來有更多拍戲機會，依家唔諗咁多，諗得多反而有壓力。」

得獎會請食飯

若然得獎會否要羅天宇請食飯？蔣家旻說：「佢平時已經成日請我食嘢，如果真係攞獎我都唔會屈佢嘅，到時我請佢啦。」羅天宇則表示睇好蔣家旻攞獎：「我哋係一家人，咁當然撐佢，覺得佢有提名已經好難得，如果佢攞獎更加要請佢食飯慶祝。」

攝影：司徒國榮

場地、服裝：KanaLili（蔣家旻）

髮型：Leo Yiu@Osmosis

文：影視組