鄧麗欣認冇聯絡傅穎
女子組合Cookies雖然已解散多年，但隊員間的事非依然不斷，其中前成員Elaine日前在澳門設婚宴，獲鄧麗欣（Stephy）、楊愛瑾（Miki）、區文詩和吳雨霏（Kary）等幾位舊隊友到賀，但獨欠傅穎（Theresa），惹來聯手孤立對方傳聞。Stephy昨現身活動時就否認指控，但直言已沒有和Theresa聯絡。
鄧麗欣被指飛甩向來盛傳不和的傅穎，連同好姊妹區文詩和吳雨霏等拉隊前晚一同到澳門，出席前Cookies隊友何綺玲（Elaine）的婚宴，Stephy昨日下午就和羅力威、陳慧敏等到銅鑼灣出席服裝品牌活動，對於相關報道她就回應稱：「又唔係我結婚，唔知道主人家有冇邀請，而我本身係約咗Kary佢哋一齊去，希望唔好再講我哋不和。」
參與設計工作
同時Stephy稱跟對方的不和傳聞已被傳多時，她說：「佢都唔想回應，所以我亦都唔會再回應。」她坦言沒有和Theresa聯絡：「知道佢好多時都唔喺香港。」但深信即使同場見面亦不感尷尬。
談到工作計劃她透露有意在今年內進軍時裝界，她說：「我會入股一間內地服裝公司，有機會參與設計工作。」Stephy不肯透露投資金額，只表示：「對我係幾大筆錢，但我希望自己工作上可以多元化。」問到男友方力申可有出資贊助？她說：「冇啦，我哋財政獨立。」
恨為千嬅伴奏
跟Stephy一同到澳門出席婚宴的區文詩，則上載了幾張和新娘子的合照到社交網站，並留言恭賀Elaine新婚快樂。而另一好友Miki，則分享了一張Elaine身上掛滿金器的相片，並稱她為「黃金女孩」。
而同場的羅力威則透露將在五月夥拍楊千嬅和許廷鏗演出音樂會，他表示入行至今終首度有機會跟千嬅合作，對此深感榮幸，他說：「我一路都係睇完千嬅電影作品，希望到時有機會喺台上為佢彈奏一曲。」
文：音樂組