錢小豪囝囝溝女有天分

錢小豪、童愛玲及冼色麗等昨日為電台連續劇進行開鏡儀式，期間編劇與導演相當不小心，拜神時失手將燒着了的元寶及長壽香弄跌。已有十年沒有拍劇的童愛玲表示：「最近整咗個timetable畀個仔，想佢學吓獨立。（會否讓兒仔探班？）想啊，等佢知道搵錢辛苦嘛。」童愛玲又大讚兒仔：「個仔喺學校有份功課要自己做個廣告，係賣火箭之類嘅嘢，要包辦作曲、配音，佢做得好好啊！」
錢小豪與童愛玲已為人父母，拍劇之餘大可交換湊仔心得。
錢小豪與童愛玲已為人父母，拍劇之餘大可交換湊仔心得。

而已育有一個十一歲兒子的錢小豪就大爆：「個仔到咗發育時期喇，開始生鬚，仲好似幾有溝女天分，有啲魅力。（係咪你遺傳？）唔知啊，不過佢最近同個女性朋友行得好埋。」

錢小豪、童愛玲及冼色麗等為新劇開鏡拜神。
  • 錢小豪、童愛玲及冼色麗等為新劇開鏡拜神。
冼色麗拍劇可大過戲癮。
  • 冼色麗拍劇可大過戲癮。