杜汶澤嘲阿Sa平胸度橋頭痛
杜汶澤為拍新片可謂「心力交瘁」，不但要「獻身」多位日本AV女優，更碌爆人情卡請來蔡卓妍（阿Sa）客串一角，對於這位全無「三級味」的阿Sa，阿澤笑言她身材太「藝術性」（平胸），在度橋時相當頭痛。
杜汶澤為新片《3D豪情》搏到盡，激減廿磅與多位AV女優演繹埋身肉搏戲，除此之外，還大碌人情卡請了阿Sa及吳君如客串，阿澤透露：「阿Sa係第一個舉手話嚟幫手拍嘅女藝人，但因為阿Sa嘅身材太藝術性（意指平胸），唔係人人識欣賞，所以我初初都有啲頭痛，但最後都解決到。」
畀君如抽水
至於與君如合作，阿澤笑言兩人在戲中重演日本有「吹之神」之稱的拓也哥響朵作，以口技挑戰男優的片段，阿澤透露拍攝這場戲，因君如跪在他面前令他暈足一日，他說：「君如係我恩人嚟，佢跪喺我面前，真係暈足一日，君如好有義氣，為支持港片，今次義助客串，從未問過酬勞，（有冇畀利是？）有，但對富可敵國嘅君如嚟講濕濕碎啫！」
問阿澤怎報答君如？阿澤笑言：「佢呢啲老江湖一ROLL機就抽我水，我乜都畀佢抽勻，報答咗嘞！」
文：影視組