軒仔豁出去人獸戀裸膽
張敬軒昨日出席舞台劇記招，會上公開其全裸上陣拍攝的宣傳海報，軒仔透露該劇講述他奉獻給馬匹，亦有與方皓玟的情愛場面，非常大膽，豁出去的他揚言表演時不介意全裸演出，其拍檔黃秋生則呼籲大家不要起歪念。
黃秋生、張敬軒及方皓玟等昨出席舞台劇《EQUUS馬》記招，活動中公開軒仔的全裸宣傳海報，首次「獻出肉體」的軒仔笑言拍攝沒有難度：「完全冇着冇遮掩，影嗰時都有清場，連我在內得4個男人。（特登操fit？）好僥倖我個角色係17歲，唔需要大隻，不過過咗30歲好多鬼竄肉，要跑步收身。」問到舞台劇是否同樣全裸上陣時，軒仔指要考慮到場地的尺度，但不擔心要全裸：「要了解番套劇係奉獻畀隻馬，同方皓玟有啲情愛場面，都要除衫。（方皓玟睇咗你全裸未？）未呀，未排到嗰個位，（會請好朋友關智斌睇？）唔好講佢啦，次次都講佢。」
演醫生角色優雅
至於其拍檔秋生則大讚他表現好，又笑言觀眾定會將焦點放在全裸海報上，呼籲不要起歪念。劇中秋生飾演精神科醫生，提到軒仔透露該劇需要講粗口，秋生講今次演繹屬優雅角色：「我平時講嘢都好斟酌用詞，不過有時同啲蟻講嘢，就當然要講番啲蟻語。」問到他曾在專訪中表示不再跟杜汶澤合作，他說：「係冇機會，我夠想同羅拔迪尼路（Robert De Niro）合作啦，唔係話合作就合作，好講緣分。」
嘟姐反做主持人
此外，眾人昨晚接受電視節目《燭光晚餐》訪問，原本與黎芷珊齊齊主持節目的秋生，在最後一集壓軸與軒仔及方皓玟擔任嘉賓，而主持之位則由「嘟姐」鄭裕玲頂上，嘟姐對眾人為舞台劇付出表示認同：「我以前都演過一次舞台劇，係好辛苦。（計劃退休？）未咁快，依家會做啲冇咁辛苦嘅嘢，好似做電台同埋主持咁幾好！」
文：影視組