陳展鵬昨日到電台宣傳新劇《叛逃》，對於有傳因蒙嘉慧離開無綫，以致《叛》劇相隔三年才播出，展鵬表示：「我諗唔會，套劇有好多演員合作，公司運用資源拍一套劇唔會雪藏佢。」
提到馬浚偉早前因血壓爆標入院，曾與馬仔合作的展鵬坦言不知情：「佢咁瘦都血壓爆標？真係要小心身體，爆血管都幾麻煩同影響幾大。」展鵬又稱每年都會做身體檢查：「近呢兩、三年不停拍劇，都驚自己頂唔順，去身體檢查時驗到肝酵素高咗，都幾危險，好大機會有肝病，最後食藥控制番。」
