李彩華百萬家用3個月任使

現年30歲的女星李彩華（Rain）近年成功在內地崛起，密密拍劇搵人仔，賺到盤滿砵滿，劇酬亦升至30萬人民幣一集，有價有市，難怪她在3年內狂賺8000萬，愛錫雙親的Rain早年已豪擲千多萬元，購下半山豪宅予父母作安樂窩，而每次她趁拍劇空檔回港，定必爭取時間陪伴父母，不時與雙親豪遊外地。

戰利品即買即着

近日Rain難得在港，被發現連日行街掃貨，昨午約1時，Rain再獨自驅車前往銅鑼灣血拼，戴上黑超及手挽名貴手袋的她，在停車場泊好車後，便急急步入名店，除試戴各款顏色的絲巾，又試了數款手鈪，期間手持兩部電話的她又要兼顧不停的來電，最終她逗留足足45分鐘，才選好眾多心頭好簽卡埋單，滿載而歸。離開時，Rain見記者在場即揮手打招呼，態度友善。

李彩華疼錫母親，不時帶她到處豪玩。

專人服侍 Rain試穿後，由店員熱情地為她整理衣服。

之後，Rain再到中環掃貨，等過馬路期間更有不少途人對滿身富貴打扮的她望到實！Rain步入該處的店舖後，未幾已揀選了一套近日被熱捧的運動裝到更衣室，試穿後步出時，獲店員熱情招待，更落手落腳替她整理衣服，結果不足10分鐘，她已扑錘購下，還即買即着，等待付款期間她與店員有講有笑，明顯是該店熟客。抽着大袋戰利品的Rain其後匆匆取車返歸，似乎是趕着陪雙親晚膳。

引人注目 過馬路時，一身富貴look的Rain吸引途人目光。	代母試裝 在名店內的Rain不停試戴絲巾，原來是送給母親的禮物。	一手一機 Rain手持兩部手機，輪住響個不停。
《星星》勁hit，李彩華即大玩韓look。

三個月無暇回家

事後Rain接受本報電話訪問，提到於名店連番購下絲巾及手鈪，她說：「其實絲巾係買畀媽咪嘅，因為聽日（即今日）就要離港去橫店拍劇，今次仲要去3個月，期間完全冇假期返嚟香港。」問及要長時間於當地工作，會否擔心媽咪？她說：「都會㗎，我唔喺香港佢又要幫我處理好多嘢，所以我放低咗100萬畀媽咪做家用。」其實Rain在16歲入行時已代父親償還過百萬元債務，出名孝順的她多年來獨力照顧父母撐起整頭家，經多年努力後，Rain終擺脫債務，如今她成功變身富貴Rain，仍對雙親盡孝，單是家用便「閒閒哋」放下百萬元，令人羨慕又妒忌。

限量版潮look

富貴Rain除了愛買名牌外，對潮裝亦非常熱衷，不時穿上潮服在微博晒最近潮look。英國時裝店Top Shop最近與運動品牌Adidas推出限量版crossover服飾，自然成為潮人搶購目標，位於中環的Top Shop專門店昨早已有人排隊等候，Rain下午到達時很多心頭好已售罄，幸她成功搶購到一套運動裝、兩件背心與一對波鞋，埋單二千多元。Rain還急不及待即買即着，率先在人前展示最潮戰利品！

文、攝：追蹤組