諸葛囝囝百日宴四代同堂
名模諸葛紫岐與老公「Neway二太子」薛嘉麟為囝囝Arthur舉辦百日宴，夫婦倆全程sweet爆，幸福滿瀉。是次宴會不但四代同堂，更有不少圈中人如文詠珊、鄭融、陳曉東等到賀，群星拱照。
諸葛紫岐（Marie）與老公薛嘉麟昨日為囝囝Arthur舉辦百日宴，筵開二十多席，並以三件馬卡龍擺設作回禮。不少圈中人如張智霖、文詠珊（Janice Man，JM）、鄭融、陳曉東等均有出席，群星拱照。微博上亦流出場內相片，他們以彩色氣球把場地布置成樂園，台上則有很多BB及親子相。相中所見Arthur眼大大、肥嘟嘟，更梳了「碧咸頭」，非常可愛。
聽古仔哦哦呀呀
夫婦倆全程表現恩愛，Marie並戴上巨鑽，十分貴氣。Marie興奮地表示當天四代同堂：「最開心係九十幾歲嘅太爺，因BB係佢第一個曾孫。」Marie透露BB的眼神及樣貌像老公，笑容則像自己，並表示BB很活潑，尚算易湊。問到BB有否搗蛋？薛嘉麟說：「佢咩都想睇，咩都想玩，講古仔畀佢聽，佢會望住，我覺得佢識聽。」Marie則說：「佢聽到會有反應，會『哦』同『呀』。（黐邊個多啲？）梗係黐我！」問到薛嘉麟是不是每天放工都趕回家？他說：「媽媽有時間會畀晒佢，我就盡量啦。（幾時再追多個？）呢個要問囝囝，問吓佢想唔想要細佬妹。」
JM巴黎冇見霆鋒
而剛從巴黎回港的JM，透露未有時間選購禮物，故以現金代替。問到她於巴黎有否與緋聞男友謝霆鋒見面？她說：「冇。做完嘢，留咗幾日，去咗阿姆斯特丹，之後再返巴黎搵朋友。」而問她有否找黎明洽談續約一事？她說：「佢都喺巴黎，但冇時間見面，本來約咗喺當地見，但太忙。」
文：名人組