楊冪轉口味打爛齋缽
即將榮升爺爺的劉丹昨日聯同莊思明、黎諾懿及郭少芸等人出席《愛．回家》宣傳活動，全程笑到合不攏嘴，接受訪問期間更直言為孫兒改名而費煞思量﹕「當年為愷威改名好易，因為我係山東威海人，但依家中港接觸頻密，改名要顧及廣東話同普通話發音，我哋又信吓筆畫，所以真係好難。」
刻下新抱楊冪留港待產，丹爺亦坦言﹕「六月尾左右BB出世，應該會喺香港生。新抱本嚟差唔多食全齋嘅，點知近日竟然出聲話想食Pizza。（BB仔定女？）我諗阿威知，但冇話畀我聽囉！我老婆都矇查查唔記得點睇肚形去猜測性別嘞。（叫佢哋再生？）佢哋鍾意啦！最緊要佢哋開心啫。」
呼籲畀空間馬航
來自馬來西亞的莊思明表示連日來都有留意馬航事件，且呼籲外界不要有太多的揣測，談到有指馬來西亞封鎖消息，她代為解畫謂﹕「大家都想救番機上所有嘅人，可能唔想有假消息打亂咗拯救工作啫，大家畀多少少耐性啦。」
文：影視組