小方背Stephy狂睇內蒙巨峰
方力申和鄧麗欣昨晨以情侶檔參加慈善步行，因兩人各有各忙，靠孖住工作順道拍拖，小方自爆在內蒙一個月的拍戲生涯大飽「3D巨峰」眼福，女友Stephy聞言不醋反笑︰「豪畀你啦!」
小方和女友（Stephy）昨晨到山頂為「揹水一戰」慈善活動主持開步禮及身體力行，參與14公里的揹水步行比賽。現場見小方一面倦容，他稱昨日凌晨3時才從內蒙返到香港，花了15小時，回家只睡了兩小時便來參賽。問到可怕體能支持不住？小方笑言︰「同班女仔一組應該可以。」小方坦言曾想過「縮沙」退賽，因在內蒙拍戲本打算早一天返港，可是後來又多拍一天，但想到已經答應出賽，所以最後惟有硬住頭皮參與。
趁工作多見面
問到兩人忙於工作是否無暇拍拖？小方笑言因此要趁一齊工作時多見面，又可以順道做慈善。小方在內蒙拍戲一個月，每日對住駱駝和綿羊，問身為女友的Stephy是否很放心？兩人即打情罵俏一番，Stephy笑謂：「係呀，嗰度冇乜娛樂！」小方即抵死說︰「駱駝對雙峰好勁。」Stephy亦笑道︰「咁豪畀你啦，多幾隻都冇所謂。」
出賽成績理想
至於小方和Stephy是首度一齊參賽，問到平時可有一齊練跑？Stephy坦言：「唔多呀，因為佢跑得好快，就唔到我，所以我多數自己跑。」雖然小方在未有充分休息下出賽，但最後小方和Stephy成功以2小時48分完成14公里的賽事，成績理想。
文：音樂組