張智霖為好友呼籲捐肝

張智霖與經理人公司同事張建聲相熟，當他得知對方的表哥余志豪，因是單親爸爸，為了賺更多錢養育女兒，轉職一日做12小時的貨櫃碼頭吊機手，最近卻患上急性肝衰竭而需換肝，Chilam昨日即於微博呼籲O型血的有心人捐肝救助，他接受本報電話訪問時表示︰「我因為A型血，幫唔到佢，做到嘅就係呼籲有心人。其實我之前登記咗骨髓捐贈，幾年前醫院打電話通知我嘅骨髓符合一個病人，點知我因為出埠拍戲趕唔切返嚟，最終都幫唔到個病人，其實幫唔幫到都好講緣分。」

張建聲昨日在電話表示從舅母得悉表哥患病消息，指對方日前食飯期間突然面色變黃兼嘴唇發紫，家人即送他入院檢查，最終證實是急性肝臟衰竭︰「我哋全家都無合適血型，幫唔到佢，惟有轉發作出呼籲。多謝張智霖幫手，依家已有兩人答應去醫院驗血，Chilam個微博有好多人回應，竟然有內地人話開價21萬賣肝，呢種行為唔合法，所以唔會考慮。」

袁詠儀拖住紮紮跳的魔童橫過馬路。

張智霖安頓太太上車，之後各自開車離去。

夫妻分車走

而張智霖前晚與太太袁詠儀及囝囝魔童於銅鑼灣行街，但擔心友人病情的他全程悶悶不樂，離開時靚靚拖住紮紮跳的魔童橫過馬路，他則拿着大袋超市戰利品往取車，只見靚靚安頓魔童登上老公落地僅數月、約90萬元的平治CLA45 AMG新車，由Chilam載囝囝返家，她則步往附近取回另一部越野四驅車離開。

此外張智霖昨日出席新碟簽唱會時，在台上獻唱時竟忘記歌詞要重新唱一次。Chilam表示因太依賴科技所致。

文、攝︰追蹤組