汪詩詩爆圓圓先有後婚

甄子丹與老婆汪詩詩昨日出席馬場《寶馬香港打吡大賽2014》活動時，子丹笑言手風不及老婆好：「會睇啲馬嘅衫同肌肉靚唔靚而揀！」談到姨仔汪圓圓懷孕期間感不適，詩詩表示也有與妹妹分享佗B心得：「不過反應同我好唔同，唔知點幫佢，我嗰時冇乜嘔，食得好開心。（佢瘦咗？）都健康。（仔定女？）太早，未知。」她表示蔡加讚經常陪老婆圓圓，大讚十分恩愛。

及後，她暗示圓圓未婚已懷孕：「個仔開頭唔明（圓圓佗B），訂婚嗰日返嚟問『Where's the baby？』，依家佢知道仲喺個肚裏面。」不過就口快快講錯「訂婚」時已有BB，因為圓圓於13年1月已訂婚。

正佗B的圓圓，現時身體狀況不錯。

黃婉曼指仍未認真安排婚禮。

黃婉曼準備做媽咪

記者指二人子女也喜歡小朋友，問到會否再生？詩詩即時耍手擰頭，而子丹則說：「依家咁忙，老婆又忙，睇吓點啦！」另談到他主演的《3D冰封俠》下月上映，早前《大鬧天宮》票房好，問到會否有壓力？他說：「唔諗呢啲，希望每部都好，盡自己能力拍好戲。」

與甄子丹結伴拉頭馬的呂良偉透露有興趣當馬主。

（左起）Janice Jann、汪徐莉君、汪詩詩、甄子丹、湛琪清

同場的汪圓圓表妹湛琪清透露圓圓身體很好，大讚表姐為人成熟懂得照顧小孩。另亦透露現有追求者，擇偶條件要對自己和家人好。而「天氣女郎」黃婉曼表示未認真安排婚禮：「呢排好忙，可能臨急抱佛腳。」繼而自爆早前已買兒童馬車，暗示隨時準備做媽咪：「好得意！（有咗？）未，睇吓邊樣快啲，但又唔係咁好。」另外，昨日有份與甄子丹結伴拉頭馬的呂良偉透露也有興趣當馬主，並有意參加抽馬。

文：名人組